Многу Балканци кои живеат во Германија секојдневно се соочуваат со прашања за платите, трошоците и животот во странство.
И, додека едни сметаат дека стандардот е добар и дека може пристојно да се живее, други непрекинато преиспитуваат што е доволно за „нормален живот“.
Таквите прашања често предизвикуваат дебата, што било случај и со неодамнешна објава на еден гастарбајтер којшто на страницата „Балканци во Германија“, ги искритикувал сите оние кои работат за помалку од 2.500 евра, со забелешка дека се „сиромашни“ и дека за тие пари „нема што да јадат“.
„Кога ќе видам луѓе кои работат во Германија за 2.500 евра, не ми е добро. Зошто си дошол, да бидеш сиромашен? За тие пари нема што да се јаде во Германија“, напишал тој.
Неговиот став предизвикал лавина критики и навреди, а дискусијата набрзо прераснала во дебата за реалниот живот и трошоци во Германија.
„Некој 2.500 евра ги распоредува и знае да живее. Некој со 5.000 евра се жали, па роднините од Балканот му испраќаат пари да преживее. Не е до еврата туку до способноста“, напишала една жена, додека пак друга додала:
„Постојат луѓе кои не живеат само за пари. Мене не ми е добро кога ќе бидам колку на некои луѓе им е здодевно, па постојано ги пишуваат истите работи. Што ви е гајле дали некој работи за 1, 2, 3, 4, 5 или 8 илјади евра … Јас имам пријатели, еден има 2 илјади евра плата, другиот 4 илјади евра, исто се среќни во душата“.
„Не можеш да живее надвор и да правиш вили дома“
Објавата добила повеќе од 800 коментари. И иако некои се согласиле дека плата од 2.500 евра не е доволна за живот во Германија, погласни биле оние кои сметаат дека ваквата забелешка нема доказ.
„Со оглед на неизживеаните луѓе кои доаѓаат дома и прават вили, на одредени луѓе кои земаат по 5.000 евра месечно и тоа им е малку“, напишал еден корисник.
„Аман Боже, па вратете се од каде што сте дошле. Не можете да живеете надвор и да правите вили во татковината. Немојте да лажете дека имате големи плати, а кога ќе дојдете чекате сиромашните да ви платат кафе, случајно да не потрошите нешто“, напишал некој друг корисник.
