Данската влада објави нов закон со кој ќе им се забрани на децата под 15 години пристап до социјалните мрежи, во обид да се заштити менталното здравје и приватноста на најмладите корисници на интернет.
Според предлогот, децата на возраст од 13 и 14 години ќе можат да користат платформи како што се Instagram, TikTok и Snapchat само со согласност од нивните родители.
„Социјалните мрежи им го крадат времето, детството и благосостојбата на нашите деца“, изјави министерката за дигитални работи Каролин Стејџ, додавајќи дека е време да се постават граници за да им се помогне на децата да растат без постојаниот притисок од дигиталниот свет.
Доколку се усвои законот, ќе ги обврзе платформите да ја потврдат возраста на корисниците преку системи за верификација, додека компаниите што ги прекршуваат прописите би можеле да бидат казнети до 6% од нивниот глобален приход.
Иако иницијативата има широка поддршка во данскиот парламент, законот е сè уште во фаза на развој, па се очекува финалната верзија да биде усвоена во текот на 2026 година.
Овој потег на Данска е дел од поширок европски тренд за ограничување на влијанието на социјалните медиуми врз децата и тинејџерите. Слични мерки веќе се разгледуваат во Франција, Ирска и Италија. Додека во Австралија сличен ваков закон веќе е на сила. Европската комисија објави дека ќе ги поддржи земјите-членки кои воведуваат построги прописи во областа на дигиталната безбедност за младите.
Други вести
Се преправала дека е слепа 28 години: Причината целосно ќе ве шокира
