Свингерскиот брачен пар кој стекна популарност преку учество во реалити програми и преку содржини за возрасни на платформата „OnlyFans“, објави дека по 11 години брак – се разведуваат. Џес и Мајк Милер признаа дека токму нивниот неконвенционален животен стил на крајот го урнал нивниот брак, а Џес детално објасни што било пресудно.
Од хипотека до полн работен ангажман
Џес и Мајк се појавија во емисијата „Open House: The Great Sex Experiment“ во 2022 година, но со креирање провокативни содржини за возрасни започнале уште четири години претходно. На „OnlyFans“ заработувале дури и до 50.000 фунти месечно. Она што почнало како обид да ја отплатат хипотеката, многу бргу се претворило во нивна главна професија.
Реакциите на семејството и децата
Парот, кој има син тинејџер и заеднички ја одгледува и ќерката на Џес од претходна врска, во 2022 бил принуден да признае пред семејствата со што се занимаваат.
Џес го опиша моментот кога тајната излегла на виделина:
„Пријателка ми испрати порака прашувајќи ме дали сум порно-ѕвезда. Срцето ми потона – не знаев како дознала.“
Таа објасни дека веднаш ѝ признала на мајка ѝ.
„Кога ѝ кажав на мама, таа беше прилично опуштена. Нашите семејства само сакаа да бидеме среќни во брак и да се сакаме“, вели Џес.
Но, не реагирале сите така толерантно. Мајк изјави во емисијата „Adults Only: Kinky for Cash“ дека еден член од семејството му рекол дека „не сакаат тоа да биде околу децата“ и прекинале да комуницираат со него.
Што се однесува до нивните деца, тие биле искрени:
„Помалото е премногу мало за да разбере што точно правиме, но најстариот беше многу зрел. Ни рече дека додека сме среќни и ги сакаме – тоа не е проблем“, објасни тогаш Мајк.
„Ние сме среќни, децата ни се среќни – тоа е најважно“, заклучил тој тогаш.
Што ја уништило врската?
Но среќата не траела долго. Џес оваа година официјално потврди дека се разведуваат – и призна дека токму свингингот придонел за крахот на бракот. Во видео на „TikTok“ таа ја објави позадината:
„Некои прашуваат дали работата ни ја уништи врската. Не би рекла дека беше единствената причина, но имаше елементи што создадоа проблем во нашата динамика“, рече таа.
Главниот проблем, според Џес, бил тоа што во нивната професија жената секогаш е главната атракција – нешто што почнало да го нагризува Мајк.
„Во нашата работа, жената автоматски е главната ѕвезда“, објасни таа, велејќи дека тоа со текот на времето „го изеде Мајк“.
Таа тврди дека Мајк, поради „сопствени несигурности“, почнал да гради своја соло-кариера снимајќи самостојна содржина– нешто што го доживеала како предавство.
Нејзините зборови беа јасни:
„Тоа за мене беше удар во забите.“
Мајк започнал да снима соло во 2025 година, но Џес вели дека само сакала поради тоа да ја третира посебно:
„Ако веќе правиш нешто соло со некој – изнеси ме на вечера, направи да се почувствувам посебно, да почувствувам дека сум ти важна. А тоа никогаш не го добив.“
На крајот, таа откри дека се чувствувала како да ја жртвува сопствената среќа бидејќи „физички веќе не можела да продолжи да го живее тој живот“.
Драмата зад овој неконвенционален брак покажува дека цената на „слободата“ понекогаш е далеку поголема отколку што изгледа на фотографиите на „OnlyFans“.
