Здравиот десерт без вештачки шеќер е совршен избор кога ви се јаде нешто слатко, а сакате да изберете поздрава варијанта – или ако барате инспирација за славската трпеза.
Како што се приближува времето на празниците, а сезоната на слави одамна започна, добро е малку да внимаваме на исхраната и да се свртиме кон поздрави слатки.
Доколку оваа година славите посна слава или едноставно сакате да го намалите внесот на индустриски слатки и да побарате поздрава ужина, вистински момент е да го испробате овој рецепт.
Посните топчиња од само три состојки содржат сè што ви е потребно: мелени бисквити, јаткасти плодови кои во комбинација со урмите даваат доволно енергија и на природен начин ја намалуваат желбата за слатко.
Состојки:
- 1/2 чаша мелени бисквити
- 1/2 чаша бадеми
- 20 урми
Подготовка:
- Во блендер иситнете ги бадемите со мелените бисквити.
- Потоа додадете ги урмите и продолжете да блендирате додека да добиете рамномерна, компактна смеса.
- Обликувајте топчиња, а по желба извалкајте ги во мелени бисквити или мелени бадеми.
- Послужете веднаш.
Совршени за пост, за празнична трпеза или како здрава ужина — едноставни, брзи и вкусни.
Други вести
Next
Previous