Никол Кидман смета дека доволно молчела – сега, велат американските медиуми, подготвена е да ја открие целата вистина за крахот на љубовта со Том Круз и Кит Урбан.
Австралиската филмска ѕвезда со децении е присутна во јавноста, но успеваше да одржи баланс меѓу медиумската изложеност и мирниот приватен живот.
Сепак, тоа наскоро би можело да се промени. Според пишувањата на американските портали, Кидман наводно подготвува мемоари, а книгата се најавува како една од потенцијално најконтроверзните во Холивуд.
Доколку нејзините поранешни сопрузи имаат што да кријат – време е да се подготват. Една од најголемите ѕвезди на денешницата наводно конечно е подготвена да каже сè.
Како што пренесува „Radar Online“, актерката решила да ја „отвори душата“ и да ја сподели својата „автентична приказна“ во автобиографија која најпрво ќе биде посветена на нејзината долга и успешна кариера. Но, во книгата ќе има место и за приватните пресвртници што ја обликувале австралиската актерка во изминатите децении.
Извор близок до Кидман тврди дека таа ќе се осврне и на односот со нејзиниот сегашен сопруг, кантри ѕвездата Кит Урбан, од кој во моментов се разведува и со кој има две ќерки.
Во мемоарите, велат извори, ќе се најде и дел посветен на нејзината љубов со Том Круз. Кидман никогаш јавно не зборувала за крахот на нивниот десетгодишен брак, наводно затоа што не сакала тоа да ја засени нејзината работа.
Долги години избегнуваше да го коментира овој период од својот живот, но по изградена блескава кариера и бројни освоени награди, Никол Кидман наводно смета дека конечно дојде моментот – да ја раскаже својата приказна, онака како што таа сака.
Други вести
