(ХИТ ВИДЕО) Момче научи октопод да свири клавир – неверојатно!

Шведски музичар купил жив октопод на рибниот пазар и успеал да го научи да свири клавир.

Шведскиот музичар Матијас Кранц го спасил октоподот од пазар и му го дал името Тако.

Кранц го донел во својот дом со цел да спроведе необичен експеримент – да види дали може да ја научи да свири клавир.

Своите откритија, неуспеси и целиот процес ги објавувал на својот канал на „YouTube“, а по шест месеци Кранц успеал да создаде водена клавијатура со лостови и механизам што овозможува Тако да свири додека тој го придружува на гитара.

„Отсекогаш сакав да научам животно да свири клавир“, објасни Кранц на „YouTube“.

„Теоретски, октоподите имаат неверојатен потенцијал. Паметни се колку тригодишни деца, фантастично решаваат проблеми, а секоја од нивните осум ’раце‘ има свој мини-мозок.“

Кранц вложил огромен труд за да развие специјална клавијатура на која Тако може да свири под вода и да го поттикне да се заинтересира за инструментот.

Создал водоотпорна клавијатура на која Тако свири така што ги повлекува лостовите што, пак, ги притискаат тастерите, наместо самата октопод да ги допира типките.

Кранц користел светлечки копчиња, лажни ракови и вибрации во аквариумот (за да му претстави звук, бидејќи октоподите немаат уши) за да го натера Тако да притиска различни тастери и да создава различни ноти.

Сè изгледало како неуспех сè додека Кранц не смислил мала цевка за храна која му испушта рак на Тако секојпат кога ќе притисне тастер.

Секогаш кога Тако ќе притисне тастер на клавирот, малата цевка спушта рак што октоподот може веднаш да го зграпчи.

Сега, без разлика дали е свесен за музиката или не, Тако навистина научил да ја користи својата музичка играчка, пишува „Classic FM“.