Ауди во неволја: Да се ​​откаже моделот и да се затвори цела фабрика?

Станува збор за Audi Q8 e-tron, а главната причина за тоа е, како што кажа германскиот бренд, падот на побарувачката.

Овој модел беше претставен на крајот на 2022 година, но не е многу популарен меѓу купувачите, бидејќи од Audi истакнуваат дека има „глобален пад на побарувачката за класата на електрични луксузни возила“.

Покрај ова, Audi размислува и за затворање на фабриката во Брисел, најмногу поради високите трошоци и самата локација, бидејќи фабриката се наоѓа во близина на центарот на градот.

“Раководството на Ауди Брисел има намера да ја преструктуира локацијата. Процесот на консултации е започнат во согласност со белгиските закони, а една од темите е изнаоѓање решение за локацијата. Може да се случи и работата да престане доколку не се најде алтернатива”. се вели во соопштението.

Директорот на оваа фабрика рече дека „објавата не значи дека одлуката е донесена“, туку дека „оваа вест одекнала меѓу работниците“.