(Видео) Стариот руски теренец му одржа лекција на Хамер
Кога ќе кажеме руски теренец, повеќето ќе помислат на Лада Нива. Сепак, Русите имаат уште постар и поспособен теренец.
Станува збор за “UAZ-469”, легендарно теренско возило и миленик на авантуристите и ловците од 1971 година. Од самиот почеток го придвижуваше неверојатниот 2,4 бензински мотор со само 75 коњски сили, кој покрај неверојатната жед, беше познат и по тоа што можеше да вози на се што наликува на бензин. Руската армија ги купи последните примероци во 2011 година, а набргу потоа престана да се нуди на слободниот пазар.
Русин против Американец
Во меѓувреме пристигна подобрена верзија, а моделот го смени името во Хантер. Пристигна и на американскиот пазар, а беа понудени и помодерни верзии, како Патриот со бензински мотор од 2,7 литри и 150 коњски сили.
Ако се вратиме на стариот UAZ, токму еден таков пример што се соочи со Хамер. Изборот падна на моделот H-2, кој е многу поскротен од моделот H-1, но сепак многу моќен. Впрочем, го придвижува моќниот 6.0 V8 со над 300 коњски сили.
Луѓето кои стојат зад каналот “Garage54”, познати по исклучително интересните конверзии на Лада, се обидоа да откријат како се снашле овие две возила на теренот. Тие возеле по калливи патишта натопени во вода, а откако влегле во шумата, Хамерот прв капитулирал. Руската класика го извлекла од длабоката кал со помош на влечење, за да можат да продолжат да возат на многу тежок терен.
На крајот може да се каже дека резултатот беше нерешен бидејќи и Хамер успеа да ги помине сите наметнати задачи. И покрај тоа, симпатиите ќе бидат насочени кон значително поевтиниот и поедноставен руски теренец, кој благодарение на помалата маса и димензии сепак полесно се движи на толку захтевен терен.
Не е најстар
Уште попознат и уште постар теренец го носи потписот на UAZ. Тоа е моделот 452, попознат во светот под еден од неколкуте прекари. Веројатно е најпознат како Бучанка, модел кој успешно го носи концептот на теренско комбе уште од 1965 година.
Беше модернизиран во неколку наврати, но сепак остана верен на оригиналот. Колку е тоа интересно за авантуристите најдобро зборува податокот дека возилото се уште е барано на Запад, особено во Германија, каде редовно се продаваат неколку примероци. Цената не е мала, но не се ниту можностите на ова навистина специјално возило. Но, тоа е друга приказна.
