(ВИДЕО) Улица за Гинис: Преминувањето на другата страна трае цела вечност
На пешаците им требаат 4 минути и 17 секунди за да ја поминат оваа улица со побрзо одење и чекање на семафори.
Улица во Аргентина со име Авенија 9-ти Јули влезе во Гинисовата книга на рекорди како најширока улица во светот. Се наоѓа во Буенос Аирес и е широка околу 140 метри, па затоа преминувањето од една на друга страна е прилично тешка задача.
Некои би рекле дека ви треба – цела вечност да ја поминете оваа улица.
Авенијата, именувана по Денот на независноста на Аргентина, основана на 9 јули 1816 година, има 16 главни и четири дополнителни ленти посветени на јавниот превоз.
Според искуството на еден корисник на TikTok, на пешаците им требаат 4 минути и 17 секунди за да ја поминат оваа улица со побрзо одење и чекање на семафорите.
Авенијата вообичаено се протега на околу три километри, од квартот Ретрио на север до железничката станица Constitution на југ, и има централна пешачка зона и најмалку седум „острови“.