Масовно бодење со нож во трговски центар во Сиднеј, најмалку четири лица убиени

Стотици луѓе биле евакуирани од трговски центар во Сиднеј по масовно бодење со нож. Најмалку четири лица загинаа, а неколку се ранети, објави „news.com.au“.

Според информациите од тамошната полиција и медиумите, напаѓачот е застрелан.

„Нешто пред 16:00 часот беа повикани службите за итна помош по дојавата дека неколку луѓе се избодени со нож. Се повикуваат граѓаните да го избегнуваат овој простор“, соопшти полицијата, пренесува австралискиот медиум 9Њуз.

Според извештаите, прободено било и 9-месечно бебе.

Државната полиција на Нов Јужен Велс соопшти дека полициската операција е во тек, но не соопшти повеќе детали.