Моментот кога авион падна од небо во Бразил и се урна во град
Двомоторен турбопропичен авион со 58 патници и четворица членови на екипажот летал од Каскавел во јужната бразилска држава Парана до главниот аеродром во градот Сао Паоло кога се урнал во Винедо, соопшти авиокомпанијата Воепас.
На снимките кои кружат на социјалните мрежи се гледа како авионот се спушта вертикално и паѓа во спирала.
Нема преживеани
Нема потврдени преживеани.
„Сè уште нема потврда како се случила несреќата или моменталната состојба на луѓето во авионот“, се вели во соопштението на авиокомпанијата.
Компанијата соопшти дека не може да даде дополнителни информации за тоа што ја предизвикало падот на авионот, регистриран PS-VPB.
Локалните власти соопштија дека авионот паднал над неколку куќи.
Полицијата и пожарникарите се на терен, а локалните болници се во подготвеност.
Бразилскиот претседател Луис Инасио Лула да Силва одржа едноминутно молчење на настан на кој претходно зборуваше.
Тој ја објави веста за несреќата на социјалните мрежи: „Многу тажно. Сета моја солидарност со семејствата и пријателите на жртвите“, напиша тој.
