Ново морско суштество сее страв во Грција! На девојка од Србија целиот бут и е покриен со изгореница – а еве за што станува збор

Девојка од Србија, која со семејството летува на Тасос, добила изгореница на бутот откако нејзиниот брат ја допрел со карпа од морето. Изразниот исип, плускавците и црвенилото ја загрижиле мајката.

„Синот извадил камен од морето на Тасос, на кој, како што вели, имало корали или алги и со тоа ја допрел својата сестра. Остана на нејзината кожа и кога го тргна почна да ја пече. Во моментов вака изгледа. Некој совет, за што се работи?“, напиша една загрижена мајка на Фејсбук.

Членовите на популарната заедница “Grcka Info” ја советувале веднаш да оди на лекар.

„Одете со детето на лекар“, „Не ви треба никаков совет од групата, одете на лекар, нека го прегледа детето и нека и препише соодветна терапија“ …

Нешто подоцна, мајката на девојчето повторно се огласи во групата.

„Фала на сите за одговорот, дознавме што е, се вративме да по камен во морето, Грците го викаат анемона. Најдовме и начин да го излечиме. Ви благодарам уште еднаш“, напиша таа на Фејсбук и прикачи фотографија.

Што е анемона?

Морската анемона живее прицврстена за подлогата, на камења и карпи, но и во плитка вода, песок или кал. Неговата форма наликува на цвет, па оттука и името анемона. Видот е сроден со медузи, корали и хидри, што значи дека е животно.

Анемоната има блескави клетки и може да „гори“, исто како медузата.