Перу контроверзно ги класифицира трансродовите, небинарните и интерсексуалните луѓе како „ментално болни“
Перу предизвика бурни реакции откако официјално ги класифицира трансродовите, небинарни и интерсексуални луѓе како „ментално болни“
Многу контроверзната одлука е донесена за да се осигура дека јавните здравствени услуги во земјата може да „гарантираат целосна покриеност на медицинската грижа за менталното здравје“ за транс заедницата, објасни перуанското Министерство за здравство, според Телеграф.
Законот наводно ќе го промени јазикот во планот за здравствено осигурување “Essentials” за да одрази дека транс и интерсексуалните луѓе имаат ментално растројство, објави LGBTQ+ медиумот Пинк њуз.
И покрај промената, транс и другите LGBTQ+ лица нема да бидат принудени да подлежат на терапии за конверзија, инсистираше Министерството за здравство во соопштението објавено во петокот, објави медиумот.
Меѓутоа, LGBTQ+ активистичките групи низ Перу ја критикуваа одлуката како голем чекор наназад во борбата за нивните права и безбедност.
„100 години по декриминализацијата на хомосексуалноста, Перу нема ништо подобро да направи отколку да ги вклучи транс луѓето во категоријата ментални болести“, напиша Џејнсер Пакаја, директор на “OutfestPeru”, на Икс.
Бараме и нема да мируваме до неговото укинување“, додаваат тие.
Перси Мајта-Тристан, медицински истражувач на Научниот универзитет во Лима, изјави за Телеграф дека одлуката покажува недостаток на свест за сложеноста на LGBTQ+ прашањата.
„Не можете да го игнорирате контекстот дека ова се случува во суперконзервативно општество, каде што LGBT заедницата нема права и каде етикетирањето како ментално болни ја отвора вратата за конверзивна терапија“, објасни тој.
