Златниот часовник на богаташ од Титаник е продаден за рекордни 1,4 милиони евра
Златен џебен часовник пронајден на телото на најбогатиот човек на Титаник е продаден на американски колекционер за рекордна цена од 1,2 милиони фунти (околу 1,4 милиони евра).
Часовникот беше продаден на приватен колекционер во САД на аукција во “Henry Aldrige & Son” во Девизес, Вилтшир, за највисока цена досега за предмет од потонатиот Титаник.
Рекордна цена претходно ја држеше виолина од познатиот брод, која достигна цена од 1,1 милиони фунти. Кое беше продадено од истата аукциска куќа во 2023 година.
Бизнисменот Џон Џејкоб Астор (47) се удавил на бродот во 1912 година откако ја однел својата нова сопруга Медлин на чамец за спасување.
Наместо да се обиде да се спаси во друг брод, беспрекорно облечениот Астор, кој беше истакнат член на богатото семејство Астор, последен пат е виден како пуши цигара и разговара со сопатник.
Неговото тело беше извлечено од Атлантскиот океан седум дена подоцна и беше пронајден неговиот скап џебен часовник Waltham од 14 карати злато, врежан со JJA.
Аукционерот Ендрју Олдриџ рече дека Астор бил познат како најбогатиот патник на Титаник и се сметало дека е меѓу најбогатите луѓе во светот во тоа време, со нето вредност од приближно 87 милиони американски долари – што е еквиваленто на неколку милијарди долари денес.
„Цените постигнати за предметите од Титаник се апсолутно неверојатни“, рече Олдриџ.
