Илон Маск ги крие ѕвездите! Холандски научници тврдат дека „Старлинк“ ги спречува да гледаат во универзумот

Истражувачи во Холандија тврдат дека радио брановите од растечката мрежа на сателити на Илон Маск го блокираат видикот да ѕирнат во универзумот.

Како што пишува Би-Би-Си, новата генерација сателити „Старлинк“, кои обезбедуваат брз интернет ширум светот, повеќе им пречат на радиотелескопите отколку претходните верзии.

Илјадници сателити во орбитата „заслепуваат“ радио телескопи и се мешаат во астрономските истражувања, според холандскиот институт за радио астрономија (ASTRON). Сателитите на Маск обезбедуваат широкопојасен интернет низ целиот свет, често на оддалечени локации, вклучително и предизвикувачки средини како Украина и Јемен.

Тие се користат и за поврзување на оддалечените области на ОК со брз интернет. Тестовите во 2022 година покажаа дека Starlink може да испорача интернет четири пати побрзо од просекот, но астрономите велат дека тоа има своја цена.

Според некои проценки, моментално има 6.402 сателити Starlink во орбитата на околу 550 km над Земјата.

Сателитите се релативно големи – со 3-метарски рамни панели и 8-метарска соларна низа за енергија. Главниот конкурент на SpaceX, Uanweb, има помалку од 1.000. Но, тоа е растечка деловна област. А Амазон развива сопствена мрежа и се надева дека ќе лансира најмалку 3.000 сателити во следните неколку години. До 2030 година се очекува бројот на сателити во орбитата да надмине 100.000.