На меѓунардоната вселенска станица и се ближи крајот на работниот век! Познатата судбината на огромниот истражувачки комплекс во вселената.
НАСА планира да ја врати Меѓународната вселенска станица на Земјата во 2030 година!
Меѓународната вселенска станица е на крајот од својот оперативен век и НАСА буџетираше 843 милиони долари за Space X безбедно да ја отстрани од орбитата.
Планот на американската вселенска агенција предвидува специјално дизајнирано вселенско летало од Space X да ја врати Меѓународната вселенска станица, која е со големина на фудбалско игралиште, назад на Земјата веднаш по завршувањето на нејзиниот оперативен век во 2030 година.
Науката во живо наведува дека брзината со која Меѓународната вселенска станица потоа ќе се движи низ нашата атмосфера се очекува да надмине 27.500 километри на час и ќе падне во океанските води, далеку од било какво население.
„Излезот на вселенската станица од орбитата ги поддржува плановите на НАСА за идни комерцијални дестинации и овозможува континуирана употреба на просторот блиску до Земјата“, рече Кен Бауерсок од Дирекцијата за вселенски операции.
Првите делови на „пловечката лабораторија“ беа лансирани во 1998 година.
Од 2000 година, Меѓународната вселенска станица е посетена и користена од астронаути од САД, Јапонија, Русија, Канада и Европа, кои извршиле повеќе од 3.300 научни експерименти.
Сепак, вселенската станица се ближи до крајот на својот животен век, техничките неисправности и протекување предизвикуваат зголемени проблеми за екипажот, а договорите меѓу петте национални вселенски агенции учеснички кои ја одбележаа ерата на глобална соработка во вселената по Студената војна ќе истечат до 2030 година.
Меѓународната вселенска станица, исто така, се соочува со ризици од растечкиот проблем со вселенскиот отпад – остатоците од други непостоечки сателити кои орбитираат околу Земјата со голема брзина. Девет астронаути на ИСС беа принудени да се засолнат во капсулата на екипажот на Боинг Старлајнер во четвртокот бидејќи стотици парчиња отпад од скршениот сателит ја загрозуваа безбедноста на вселенската станица
