(ВИДЕО) Кинески произведувач фрли автомобил од 32 метри, погледнете го видеото

Едно од кошмарните сценарија за многу возачи е излетувањето со својот автомобил од карпа. Иако ова се случува исклучително ретко во секојдневниот живот, кинескиот производител на електрични автомобили Chery одлучи да го тестира својот Chery Exeed Exlantix ET. Тие со кран го кренале автомобилот на висина од 32 метри и го испуштиле.

Автомобилот паднал и со предниот дел удрил во земја. Тестот за паѓање е екстремна проценка за безбедноста на автомобилот која симулира што би се случило доколку возилото падне од карпа. Може да ја тестира структурната сила и способноста да ги заштити патниците во екстремни услови на судир.

На видеото се гледа дека предниот дел од автомобилот е згмечен, но просторот каде се наоѓаат патниците не е премногу оштетен. Се чинеше дека и вратата можеше да се отвори нормално.

Chery Exeed Exlantix ET е водечкиот целосно електричен SUV на брендот. Цените се движат од 199.000 до 329.000 јуани (од 25.500 до 42.200 евра).

Автомобилот користи батерија Shenxing од CATL која има досег од 400 km по десет минути полнење.

Во Кина вчера започна продажбата на овој модел.