Се продава најдолгата европска лимузина. Поевтина е од Дачија Сандеро

Се продава најдолгата лимузина на европскиот континент. Долга 14 метри и тешка повеќе од четири тони!

Основата е американскиот Lincoln Continental Town Car, а во него е вграден мотор од 150 КС. Не очекувајте лимузината да забрзува до 100 km/h за десет секунди

Оваа патна верзија може да се најде во огласите на Autohaus Lorenzer или Autoscout24, а цената е 14.995 евра, што е за 95 евра помалку од новиот Dacia Sandero.

Германскиот магазин Bild пишува дека Наталија (38) и Гоне Лоренцен (47) ја продаваат лимузината. Тие ја водат Autogalerie Lorenzen во Хусум, каде што продаваат мали автомобили, луксузни автомобили и преработени седани како овој. Гоне го купил автомобилот пред година и пол.

Тој тргува со автомобили веќе триесет години и има посебна страст за спортските и класичните автомобили. Лимузината е опремена со минибар, ТВ и пет софи. „За жал, претходните сопственици не го третираа внимателно“, вели Гоне. „Треба уште многу да се направи. Во моментов, на пример, автомобилот не сака да оди во рикверц“, додава тој.

Самото гледање на фотографиите сугерира дека сегашниот сопственик е во право. Лимузината навистина не ги има поминато своите најдобри денови.