Ќе се воведува нова боја на семафорите? Еве ја причината зошто!

Научниците ги истражуваат најефикасните начини да го направат сообраќајот безбеден со помош на новите технологии што се користат во автомобилите – ова се однесува и на GPS и на вештачката интелигенција.

Еден научник од Универзитетот во Северна Каролина, Али Хазбаби, вели дека белото светло на семафорот може да укаже дека на патот има доволно автономни возила кои би можеле да „го преземат водството“.

„Кога сме на раскрсница, застануваме на црвено и одиме на зелено. Кога ќе видиме бело светло на семафорот, можеме само да го следиме возилото пред нас“, изјави Хаџбаби за агенцијата АП.

Тој вели дека не е важно бојата да биде бела, туку дека дури и 40% или 50% од автомобилите на патиштата би требало да бидат автономни пред да почне оваа идеја.

Од друга страна, група истражувачи од Мичиген во САД води студија која вклучува возила чисто без возач, а не автономни, а примената на нивната идеја би можела да биде многу поширока од онаа на Хаџаби.

Хенри Лиу, кој ја води студијата, го тестираше концептот на четврто светло на семафор во Бирмингем (Детроит) и користеше податоци за брзината и локацијата на возилата за да го прилагоди времето на семафорите.

„Ако користиме податоци од автомобилски компании, тоа ќе биде многу поефикасно отколку користење на традиционалната инфраструктура“, истакна Лиу.