Ајде да преброиме колку пати му кажа дека е од Сингапур
Американскиот Конгрес неколку пати го покани директорот на ТикТок Шо Чу за да го прашува како ТикТок е поврзан со Кина и дали кинеската Комунистичка партија собира податоци за корисниците на оваа социјална мрежа.
При едно испрашување од Сенаторот Том Котон, господин Чу мораше неколку пати да каже дека е Сингапур, а ви го пренесуваме ова видео бидејќи, барем за нас, целата ситуација делува комично.
„Чиј државјанин сте“, прашува прво Котон. „Сингапур, сенаторе“, одговара Чу.
„Дали сте државјанин на некоја друга земја?“, пак Котон. „Не, сенаторе“, вели Чу.
„Дали некогаш сте аплицирале за кинеско државјанство“, прашува Котон. По трет пат, Чу мора да му објасни дека е Сингапурец.
Погледете самите колку пати му беше поставено истото прашање, ама со различни зборови.
