Ајкула растргна дете, рибари пронајдоа осакатено тело: За речиси 300 години овде се пријавени само 3 напади

Ајкула нападна и усмрти момче (16) на брегот на Јамајка.

Телото на несреќниот средношколец е пронајдено северно од островот, а жртвата е Јахмари Рид, кој живеел на Јамајка, источно од популарниот туристички град Монтего Беј.

Тинејџерот наводно отишол сам на подводен риболов рано наутро во понеделникот, а рибарите го пронашле неговото тело следниот ден со повреди во согласност со напад на ајкула, соопшти полицијата, пренесува CBS.

Очевидци изјавиле за Јамајка Обсервер дека на тинејџерот му недостасувала левата рака, а остатокот од телото е тешко осакатенo.

Од 1749 година, во Јамајка се пријавени само три напади на ајкула, според Меѓународното досие за напад на ајкула, управувано од Музејот за природна историја на Флорида и здружението Еласмобранч на Америка.

Нападите од ајкула се ретки, со вкупно 69 потврдени неиспровоцирани напади ширум светот и 14 смртни случаи пријавени минатата година, се вели во извештајот.

Според извештаите, „непропорционален“ број луѓе починале од каснување од ајкула во Австралија минатата година во споредба со другите земји, а Австралија учествувала со околу 22 отсто од нападите на ајкули во светот минатата година.

Во јули, сурфер ја загуби ногата откако беше нападнат од голема бела ајкула во Австралија. Еден месец пред тоа, сурферот Тамајо Пери почина откако се здоби со фатални повреди во напад на ајкула кај островот Оаху, Хаваи.

Во јануари, млад рибар беше убиен од ајкула на брегот на Пацификот во Мексико додека нуркаше.