Беше најбогатата држава на светот,а сега тука нема ни за живот! Еве како пропаднало сè

Науру, мала островска држава во западниот дел на Тихиот Океан, зафаќа површина од 21 квадратен километар и има крајбрежје долго 30 километри.

Оваа држава нема главен град и според пописот од 2011 година, островот имал 10.084 жители, главно на западната и јужната страна на брегот. Во 1947 година, Науру беше прогласена за територија под заштита на ОН и беше под управа на Велика Британија, Австралија и Нов Зеланд. Доби автономија во 1966 година и целосна независност во 1968 година.

Неконтролираната експлоатација на фосфати ја направи внатрешноста на островот целосно неплодна. Повеќе од 80 отсто од површината на островот е практично уништена поради интензивното ископување. Во времето на независноста во 1968 година, Науру беше најбогатата земја во светот по глава на жител поради нејзините огромни наоѓалишта на минерали.

Сепак, фосфатот пресуши во 1980-тите и економијата на земјата пропадна. Ископувањето фосфат продолжи во 2005 година кога беше пронајдено секундарно наоѓалиште, но тоа траеше само уште десет години.

Имаше дискусии за преселување на целото население на Науру на друг остров во близина на Квинсленд, Австралија. Експертите предупредија дека Науру ќе стане непогодно за живеење веќе во средината на 1990-тите поради климатските промени и неконтролираното ископување фосфати. Научниците тврдеа дека животната средина е толку оштетена што инвестицијата за реставрација би била прескапа. Меѓутоа, Науруанците се спротивставиле на идејата и решиле да останат на островот.

Порталот „Enjoy Travel“ потсетува дека Науру порано го нарекувале „Пријатен остров“, но сега е една од најмалку посетените земји во светот. Го посетуваат само околу 200 туристи годишно. Островот се наоѓа на 3.000 километри од североисточниот брег на Австралија и е 4,5 часа лет од Бризбејн.