(ВИДЕО) Наезда на милијарди цикади: Она што се случува во САД во моментов изгледа како филм
Американците повторно се борат со наездата на штурците, поточно фараонските цикади, а остатокот од светот ја следи нивната борба на TikTok.
Илиноис, Тенеси и уште неколку американски држави се најдоа на патот на роеви цикади, па сцените во тие делови на САД се библиски. Американските медиуми пишуваат дека буквално милијарди бучни инсекти ги зафатиле улиците, дворовите и парковите на градовите низ САД.
Историски настан
Вакво нешто не се случило повеќе од два века, а причината е совпаѓањето на две различни легла од цикади. Имено, овие инсекти поминуваат одреден број години под земја пред да излезат на површината и да учествуваат во бучен ритуал на парење. Ова се случува низ САД во моментов.
За љубителите на инсекти, ова е можност што се случува еднаш во животот – заедно да искусат две легла на штурци кои излегуваат од земјата. Последен пат тоа се случило во 1803 година, кога претседател бил Томас Џеферсон. „Тоа е нешто што никој жив денес не го видел и никој жив денес никогаш повеќе нема да го види“, рече Џим Лоудерман, помошник собирач на инсекти во Филд музејот во Чикаго.
А еве како изгледа на снимките на жителите од тие краишта…
Што се цикадите?
Цикадите се инсекти со црвени очи и крилја кои се појавуваат во циклуси од 13 до 17 години. Овие инсекти поголемиот дел од својот живот го поминуваат под земја хранејќи се со корените на дрвјата. Тие излегуваат на површина како крилести единки, а главната причина е парењето. Откако ќе ја напуштат почвата, можат да живеат уште четири до шест недели.
