Епското невреме не е единственото нешто што ја погодува Чешка?! Постои опасност од ширење на смртоносна болест, итно соопштение од Министерството за здравство
Животите на жителите во подрачјата погодени од поплавите не се загрозени само од водата, туку и од проблемите поврзани со нив.
Министерството за здравство на Чешка предупредува на појава на опасна болест. Во областите погодени од поплави, постои ризик од ширење на лептоспироза, која потенцијално води до труење на црниот дроб и бубрезите и може да биде фатална.
Годишно во просек се евидентираат неколку десетици случаи.
Годинава до крајот на август ги имало 15, покажуваат податоците на чешкиот државен институт за здравје.
Размножувањето на бактериите наречени лептоспири, кои се шират преку урината на заразените животни, може да се очекува особено откако ќе се повлече водата.
– Лептоспирите можат да навлезат во човечкото тело преку гребаници, со вдишување или голтање контаминирани аеросоли или вода, а ретко и преку каснување од животни – се наведува во соопштението.
Во вода и почва контаминирана со урина на заразени животни, бактериите можат да преживеат неколку недели или месеци.
Ситуацијата во Чешка само постепено се подобрува.
Во попладневните часови 82.000 домаќинства останаа без струја поради невремето.
Најлоша е и понатаму во Моравија-Шлезија и во регионот Оломоуц.
