Македонија доби прва жена претседател! Сиљановска-Давкова убедливо против Пендаровски

Гордана Силјановска-Давкова, која е извесно дека биде новиот, но и прва жена претседател, убедливо го порази Стево Пендаровски.

Според 85 проценти обработени гласови, Гордана Сиљановска Давкова освои 481.217  гласови додека Стево Пендаровски доби 212.286 гласови.

Сиљановска-Давкова одржа и прес-конференција во која им се заблагодари на сите граѓани за довербата.

„Мојата најголема честитка е до граѓаните. Искрено си се прашувам неколку саати со што ја заслужив оваа чест. Јас знам дека се подготвував, дека се посветив на кампањата, дека го зборував она што го мислам, а не она што треба да го кажам, но наградата е непроценлива за мене. Тоа значи огромна одговорност. Зошто честитки за граѓаните? Затоа што покажаа граѓанска отпорност на притисоците. Оти да повикувате на бојкот е партиски и политички притисок. Да одите по домовите со списоци е политички и партиски притисок, значи се одважија македонските граѓани без разлика на етничката, верската, политичката, религиозната положба. И се одважија граѓаните“, рече Давкова.

Силјановска-Давкова исто така порача дека ќе биде претседателка на сите граѓаните без разлика на етничката и политичката припадност, а дека ќе ги заживее народните канцеларии за да може да разговара со граѓаните.

Таа тврди дека гласовите кои ги доби, воопшто не се базираат на национализам.