Мачка и го спасила животот на својата сопственичка во Украина! Проектили ја погодиле зградата, а животното направило нешто неверојатно пред нападот

Спасувачите извлекоа мачка од урнатините на станбена зграда во Мирноград, во регионот Доњецк, откако ја погодила руска ракета. Пред нападот, мачката и го спасила животот на својата сопственичка мјаукајќи, објавија украинските медиуми.

Како што пренесува „Украинска правда“, сопственичката изјавила дека неколку минути пред нападот, мачката почнала гласно да мјаука и упорно да ја „вика“ во друга соба.

Руската ракета не го уништила делот од станот во кој мачката ја викала на својата сопственичка. Спасувачите при претресот го пронашле животното. Мачката останала под урнатините речиси цел ден, за среќа неповредена.

Спасувачите ја предале мачката на нејзините сопственици.