Ова се цените на горивата во околните држави! Каде е најскапо, а каде најевтино?
Има луѓе кои патуваат со полупразен резервоар, со цел да заштедат на гориво, кое често е поевтино во соседните земји. Оваа стратегија им се исплати на патниците кои се упатуваат кон Бугарија, Хрватска, Босна и Херцеговина, Црна Гора, Македонија и Грција, додека Албанија е исклучок.
Во Србија сегашните малопродажни цени на горивата достигнуваат максимални 205 динари за литар за Еуродизел, додека литар бензин чини најмногу 193 динари, пишува Блиц. Претворено во евра, според сегашниот курс, литар бензин чини 1,64 евра, додека литар дизел чини 1,75 евра.
Бугарија нуди најповолни услови, со цени од 1,33 евра за литар бензин и 1,31 евро за дизелот.
Во Хрватска цените се 1,53 евра за двата вида гориво, додека во Босна и Херцеговина бензин чини 1,34 евра, а дизелот 1,28 евра за литар.
Црна Гора ја одржува цената на бензин на ниво од 1,50 евра, додека дизелот е нешто поповолен од 1,40 евра за литар.
Грција, слично како и Србија, нуди поповолна цена за бензинот (1,50 евра) во однос на дизелот (1,63 евра).
Горивото е најскапо во Албанија, каде граѓаните би требало да издвојат 90,5 евра за полн резервоар од 50 литри бензин или дизел.
Ако ги споредиме овие цени на горивата, доаѓаме до заклучок дека во Бугарија е најевтино да се точи гориво. Во оваа земја 50-литарски резервоар полн со дизел чини 65,5 евра, а бензинот евро помалку. Од друга страна, најскапо е горивото во Албанија, па за 50 литри бензин или дизел би ви биле потребни 90,5 евра.
