Професор од Филозофски факултет: Ако во индексот ви стои Северна Македонија, ќе имате една оцена пониско

Д-р Владимир Трајковски, професорот од Филозофски факултет, на „Фејсбук“, испрати порака до своите студенти, дека не сака да види назив Северна на нивните индекси. Доколку го види тоа тие ќе имале една оцена пониско уште во старт.

„Држава на раѓање: Драги студенти, последипломци, докторанди, Сите вие што сте родени од 1991 година наваму во индексот кај држава на раѓање треба да ставате исклучиво само Македонија и ништо друго. Никакво РСМ, Р.С.М., РС Македонија и слично не сакам да видам. Таму не ви пишува држава на живеење, а дури и тоа да ви пишува, не мора да бидете толку политички коректни. Ви укажувам на прва страница на индекс таму каде што ќе видам такво нешто, во старт имате една оцена пониско. Или можеби грешам ние имаме пет годишни деца на студии, откога некои политиканти на сила и со манипулации го прифатија пежоративното име. Берете ум во глава!“, пишува во статусот на професор Трајковски.