(ФОТО) Пожарникарите се бореле со огнената стихија, па наишле на огроменпроблем! Ги имаше илјадници во запалената кошница, го нападнаа противпожарното возило, некои луѓе почувствувале убод
Пожарникарите од Модесто, Калифорнија, се соочија со необичен предизвик додека се бореа со пожарот во округот Станислус.
Додека се обидувале да го локализираат пожарот, кој ја зафатил вегетацијата на површина од околу 1,6 хектари, наишле на неочекуван проблем – илјадници пчели од околните кошници.
Пламените јазици ги зафатија пчелните кошници поставени на страната на патот, принудувајќи ги пчелите да ги напуштат своите домови и да се соочат со пожарникарите на теренот.
Пчелите станале агресивни, го напаѓале противпожарното возило и се мешале со противпожарната екипа, пишува “upi.com”.
Иако неколку пожарникари почувствувале убод, работата била успешно завршена и пожарот бил изгаснат за 15 минути.
Официјалните лица ги пофалија пожарникарите за нивната способност да останат присебни и да се приспособат на предизвикувачките услови за време на операцијата.
