Била отпуштена после 68 години работа во истата продавничка!
Џил Корник (82) стана вистинска легенда во малото англиско гратче Бландфорд, каде што работеше во продавницата “Clarks” цели 68 години. Во оваа продавница почнала да работи на само 14 години и оттогаш секојдневно, поштено си одела на работа и ги служела клиентите.
Неодамна Џил добила шок кога дознала дека продавницата во која работи ќе ги затвори вратите, а со тоа, таа добила отказ. Оваа вест ја шокираше и неа и многу клиенти кои со години доаѓаат во “Clarks”.
На последниот работен ден, Џил доби поддршка од нејзините клиенти кои дојдоа да се збогуваат со неа. Тие ѝ донесоа цвеќиња и чоколади во знак на благодарност за сите години љубезна услуга што им пружила.
Иако веста беше шокантна за неа, Џил планира да ги искористи пензионерските денови за одмор и релаксација. Таа изјавила дека сака повеќе време да поминува на плажа и ќе се посвети на волонтерска работа или слични активности.
Џил истакна дека засекогаш ќе ги негува незаборавните моменти поминати во продавницата, особено потсетувајќи се на клиентите кои се вратиле со четири генерации од своето семејство.
За време на нејзината импресивна кариера, Џил зеде само неколку боледувања и само три месеци одмор за време на карантинот поради COVID пандемијата. Нејзините блиски односи со клиентите и донесоа многу поддршка и убави зборови, а особено уживаше да им помага на децата да најдат совршен пар чевли за училиште.
