(ВИДЕО) Со години работел како рудар, немал пари за корка леб! Но еден нашол нешто во земја што тотално му го сменило животот!

Животот на еден сиромашен и презадолжен работник се променил преку ноќ кога пронашол дијамант од 19,22 карати во рудник во индиската држава Мадја Прадеш.

Се очекува дијамантот на државната аукција да достигне цена од околу осум милиони рупии, што е околу 88.000 евра.

Раџу Гаунд, кој повеќе од десет години работи во изнајмени рудници во градот Пана, отсекогаш сонувал да најде скапоцен камен.

Градот е познат по природните резерви на дијаманти, а граѓаните често изнајмуваат евтини, плитки рудници од државата со основни алатки и опрема.

Доколку најдат дијаманти, ги предаваат на специјална владина канцеларија која ги оценува.

Анупам Синг, службеник на канцеларијата за дијаманти, објаснува дека рудниците се изнајмуваат за 200 до 250 рупии по период. Иако ваквите наоди се ретки, работник од Бунделханд пронашол дијамант вреден 15 милиони рупии во 2018 година.

Раџу Гаунд рече дека неговиот татко изнајмил рудник во селото Кришна Калианпур Пати пред два месеци. Тој ја опишува работата во рударството како досадна и напорна, но нивниот единствен извор на приход.

Во средата наутро, додека работел во рудникот, Раџу видел нешто што личело на стакло и веднаш го препознал како дијамант.

Тој го однел каменот во владина канцеларија каде што бил измерен и проценет, а се очекува да биде продаден на следната аукција.

Раџу планира да ги искористи парите за да изгради подобра куќа, да плати за образованието на своите деца и да врати долг од 500.000 рупии. И покрај ова среќно откритие, тој веќе се вратил во рудникот и продолжил да работи, надевајќи се на нови откритија.