Ова е последната порака и фотографија што Розана ја испрати до своето семејство од авионот на смртта пред да се урне со 62 луѓе во него
Розана загинала кога авионот се урна во Бразил, но при полетувањето испратила порака до семејството колку е исплашена.
Кога авионот се урна во Бразил, загинаа 62 лица – сите патници и членови на екипажот. Меѓу жртвите е и Розана Ксавиер (23), која се чинело дека ја претчувствувала страшната несреќа – судејќи според низата пораки што ги праќала до семејството преку WhatsApp.
„Човеку, два часа лет“, напишала таа во 11:47 часот во пораката што нејзината мајка, Роземер Ксавиер, ја сподели со ТВ Глобо.
„Ќе стигнеме на дожд. Многу се плашам од овој лет“, додала Розана. „Се колнам. Авионот е стар“.
Една минута подоцна таа повторно се пожалила: „Седиштето е скршено, се колнам. Хаос“, пренесува Daily Mail.
Потоа направила селфи со загрижен израз на лицето и им го испратила на пријателите.
Авионот полетал од регионалниот аеродром Каскавел во 11:46 часот за меѓународниот аеродром во Сао Паоло. Се урна во дворот на станбена зграда во градот Винхедо. Бразилското воено воздухопловство во соопштение наведе дека леталото летало нормално во 13 часот и 20 минути, но по 13 часот и 21 минути, авионот не одговорил на контролата на летање.
Мајката на Розана слушнала за несреќата на вестите на телевизија.
Бев очајна“, рече таа. „Почнав да трчам низ куќата врескајќи.
Розана работела од далечина во Сао Паоло, но мораше да присуствува на состаноци двапати месечно во Толедо, Парана.
Помагаше во купувањето за дома и си купи автомобил“, вели ужалената мајка. „Се што имаше беше за мене, за мојот сопруг. Таа мислеше само на нас. Нејзините пари беа за помош во куќата“.
Во саботата, припадници на прва помош ги пронашле телата на сите патници. До понеделник, идентификувани се само 17 жртви, меѓу кои и пилотот Данило Романо и неговиот копилот Хамберт де Силва.
