Жена на која во Америка и беше трансплантиран бубрег на свиња почина
Лиса Писано, првата личност која добила механичка срцева пумпа и генетски конструиран свински бубрег, починала во неделата, соопшти здравствената болница Њу Лангоне во Њујорк каде што била оперирана.
Нејзиниот бубрег бил трансплантиран на 12 април, но откажал поради ограничениот проток на крв и бил отстранет на 29 мај. Таа не беше првата личност на која и беше извршена трансплантација на свински орган, но таа беше првата со механичка пумпа за срце на која и беше трансплантација на свински орган, пренесува CNN (линк https://edition.cnn.com/2024/07/09/health/heart-pump-pig-kidney-transplant-death/index.html)
Таа беше храбра и алтруистичка“, рече др. Роберт Монтгомери, директор на Институтот за трансплантација на Лангон во Њујорк. „Придонесот на Лиса во медицината и хирургијата е непроценлив. Лиса нè донесе поблиску до иднината во која некој не мора да умре за некој друг да живее“.
Таа не беше кандидат за стандардна трансплантација
Поради срцева слабост и краен стадиум на бубрежна болест за која е потребна рутинска дијализа,.
Свинскиот бубрег што го добила Писано е генетски модифициран за да се избегнат човечки антитела, кои вообичаено откриваат и напаѓаат туѓи органи. Свинската тимусна жлезда, која игра улога во имунитетот, била ставена под свинскиот бубрег за дополнително да му помогне на телото на жената да го прифати органот.
Но, бубрегот беше отстранет во мај, откако беше утврдено дека „веќе не придонесува доволно за да се гарантира продолжување на режимот за имуносупресија“, рече тогаш Монтгомери.
Инаку, лекарите во САД вршат ксенотрансплантација (трансплантација на органи и ткива на животни) во ретки случаи, со дозвола на Американската агенција за храна и лекови.
