Илон Маск во вселената праќа шпионски сателити од кои „никој нема да се скрие“

Засега не е познато кога овој состав од сателити ќе влезе во употреба.

Додека се уште ги средувале впечатоците по успешното лансирањето на “Starship” на “SpaceX” (иако леталото на крајот беше изгубено), објавен е интересен извештај кој открива нешто потајна работа која “SpaceX” ја врши за американската влада.

Како што пишува “Reuters”, “SpaceX” соработува со американската Национална канцеларија за извидништво, на изградба на состав од шпионски сателити. Договорот вреден 1,8 милијарди долари наводно е потпишан уште во 2021-ва година, а информациите за него дури сега се појавиле во јавноста.

Шпионските сателити се градат внатре до одделот “Starshield” на “SpaceX”, кој е задолжен за управување со сателитите на “Starlink”. Според извештајот, во план е создавање на мрежа од стотина сателити кои би требало да имаат можност за снимање на Земјата, но и кои би можеле да делуваат како рој во ниските орбити. Наводно сателитите треба да бидат до толку прецизни што никој нема да може да им се скрие.

На американската влада би требало да и овозможат брзо снимање на континуирани слики од активностите на теренот било каде во светот.

Според “Reuters”, десетина прототипови од овие нови сателити веќе се наоѓаат во орбитата. Лансирани се со ракетите “Falcon 9”, веројатно заедно со комерцијалните сателити.

Засега не е познато кога овој состав од сателити ќе влезе во употреба.