Промовиран првиот “паметен воз” во Кина којшто ќе патува по виртуелни шини

Град во Кина направи голем скок кон иднината бидејќи го лансираше првиот „паметен воз“ во светот кој оатува на виртуелни шини.

Претставен во јуни, футуристичкиот систем го започна своето пробно возење на прометните улици на Жужоу во кинеската провинција Хунан минатата недела.

Железничкиот систем наречен Autonomous Rail Rapid Transit (ART) може да превезува до 300 патници во трите вагони и има максимална брзина од 70 километри на час.

Според People’s Daily, неговиот флексибилен дизајн го прави идеален за навигација низ градскиот сообраќај. Со само 10 минути полнење, возот може да патува и до 25 километри.

Возот е хибрид кој ги „комбинира предностите на модерните трамваи и автобуси“, се движи по виртуелни патеки означени со бели точки со линии насликани на градските улици, објави Channel News Asia. Системот за возови е многу поевтин за изградба во споредба со полноправниот градски воз или трамвајски систем на кој му требаат пруги, изјави главниот инженер на возот Дејли Мејл. 

Електричниот воз моментално работи само на мал дел од 3,1 километар со само четири станици. „Паметниот воз“ ќе стапи во редовен сообраќај од следната година и се очекува евентуално да биде целосно автоматизиран.