Еве неколку причини зошто е важно за вашето здравје да јадете боровинки!

Боровинките се сметаат за едно од најздравите овошја во светот. Нивната сезона е на пат да започне, па малку да се има на ум колку се всушност здрави и колку придобивки можат да му донесат на телото.

Ова овошје е богато со антиоксиданси, како што се флавоноиди кои помагаат во борбата против слободните радикали во телото. Ова може автоматски да значи намалување на ризикот од хронични болести и забавување на процесот на стареење на клетките.

Низок холестерол

Високото ниво на холестерол воопшто не е пожелно за вас и вашето срце, а антиоксидансите кои ги имаат боровинките помагаат да се спречи оксидацијата на холестеролот, односно да го одржуваат оптимално.

Го намалува притисокот

Редовното консумирање боровинки може да помогне во намалувањето на високиот крвен притисок, пишува Webmd. Се смета дека се одговорни растителни соединенија наречени антоцијани, кои ја даваат бојата на боровинките.

Го контролира шеќерот во крвта

Доколку имате дијабетес, тогаш ова овошје е вистинскиот избор за вас. Истражувањата покажаа дека редовното консумирање на боровинки може да помогне да се подобри чувствителноста на инсулин кај луѓето со дијабетес тип 2.

Го подобрува варењето на храна

Боровинката содржи диетални влакна кои му помагаат на дигестивниот систем да функционира непречено.