Логопед откри како да го смирите детето за две минути

На родителите на малите деца не им се непознати ситуациите во кои расположението на детето одеднаш се влошува. Ова често се случува во трговски центар, кафуле или парк или на јавни места каде што има многу луѓе.

Важно е да знаете како да се справите со емоциите. Затоа логопедот Седа Каспарова даде совет како да го смирите детето за само две минути.

„Детето треба да го седнете во скут, но само ако се согласи или да седнете до него за да го погледнете во очи. Замолете го да земе пет длабоки вдишувања, дишејќи со него во исто време. Потоа побарајте од детето да именува пет предмети што се во близина. Клупа, стол, играчки … Во исто време ќе вежбате набљудување и вокабулар“, објаснила таа, пренесува “index.hr”.

Потоа побарајте од детето да именува пет бои. Може да наведе и свои пет желби.

„Тоа не само што ќе му го одвлече вниманието, туку и ќе му помогне да научи повеќе за неговите аспирации. Оваа едноставна техника ќе му овозможи на детето да се смири и да го одвлече вниманието од негативните емоции“, вели Каспарова.