Тренер: Ако сакате да изгубите тежина брзо и здраво, почнете да правите една едноставна вежба
Кога станува збор за губење маснотии, вежбањето игра клучна улога, но не сите активности се подеднакво ефективни за секого. Додека кревањето тегови е одлично за градење мускули и за зајакнување на вашиот метаболизам, пешачењето се издвојува како една од најдобрите активности за одржливо губење маснотии.
Пешачењето е лесна вежба достапна за повеќето, која може да се направи речиси секаде. Постојано согорува калории без преоптоварување на телото, што го олеснува одржувањето на конзистентноста со текот на времето.
За разлика од интензивните активности кои можат да предизвикаат прекумерен замор, пешачењето е вежба која може да се изведува подолго и го подобрува здравјето на срцето.
Нутриционистичкиот терапевт, тренер и експерт за слабеење Џастин Наулт, кој објавува содржини за здравје и благосостојба на “TikTok”, ги сподели своите причини зошто пешачењето е поефикасно од кревањето тегови или која било друга физичка активност кога станува збор за губење маснотии.
„Пешачењето е најдобра вежба за губење маснотии. Подобро е од трчање или некоја активност со висок интензитет што го зголемува нивото на кортизол“, истакнува тој во видеото.
Исто така, го разгледува кревањето тегови, отфрлајќи ги митовите за неговата улога во губењето маснотии.
„Иако сакам да кревам тегови, ако јадете доволно за да изградите нови мускули – зборувам за најмалку 2.000 калории за повеќето луѓе – тоа нема огромно влијание врз губењето маснотии. Исто така, ако кревате тегови и не „јадете доволно – што е вообичаена грешка – само го трошите сопственото мускулно ткиво и со текот на времето всушност го успорувате метаболизмот“, објасни тој.
Неговата препорака е да пешачите по десет минути до еден час после секој оброк. После тоа ќе забележиме како постепено губиме маснотии и го подобруваме сонот, тврди тој. „Само направете го она што е одржливо за вас 14 дена и ќе се изненадите како се чувствувате“, заклучува Наулт.
