Ги чувате и ги споделувате и праќате вашите експлицитни фотографии? Еве што ве очекува

Глобалната студија на “Kaspersky” откри значителна промена во непишаните правила на социјалните и романтичните интеракции во дигиталната ера.

Истражувањето на 9.033 испитаници откри до кој степен експлицитните слики се снимаат, складираат и споделуваат на паметни уреди.

Искуството со злоупотреба на интимни слики, познато како „одмаздничка порнографија“, е широко распространето – речиси половина (47%) од сите испитаници потврдиле дека го доживеале овој феномен, или лично (7%) или познавале некој што го доживеал овој облик на онлајн злоупотреба.

Злоупотребата на интимните слики е особено изразена кај помладите генерации, бидејќи 69% од испитаниците на возраст од 16 до 24 години и 64% од испитаниците на возраст од 25 до 34 години пријавиле такви искуства.

„Во текот на изминатите 25 години, технологијата го поедностави снимањето и споделувањето на таквите слики, а исто така се случија значителни промени во однесувањето и ставовите кон онлајн состаноците, забрзувајќи го трендот на споделување интимни пораки. Свеста за ризиците кои се вклучени може да ги поттикне поединците да направат правилни одлуки кога се донесуваат одлуки за однесувањето во дигиталниот свет“, објаснува Дејвид Ем, главен истражувач за безбедност во тимот за глобално истражување и анализа на “Kaspersky”.

Постои значителна родова нерамнотежа кога станува збор за ставовите за споделување интимни слики. Податоците покажуваат дека 20% од мажите испратиле голи/експлицитни материјали на некој што никогаш не го запознале во реалниот живот. Исто така, 30% од анкетираните мажи веруваат дека примањето интимна слика им дава сопственост на таа содржина. Спротивно на тоа, 12% од жените споделиле експлицитни слики испратени до нив со други, од кои 27% се водени од однапред одредени граници во нивните односи. Ова однесување ја нагласува темната страна на споделувањето интимни слики, каде што личната содржина може да се злоупотреби за да се наштети, заплаши или понижи.

И покрај распространетоста на споделување слики, само 21% од оние кои споделиле слики побарале тие да се избришат од уредот на друго лице, што укажува на загрижувачки недостаток на свест за потенцијалните последици од споделувањето интимни слики.

Студијата го покренува и прашањето за таканареченото „обвинување на жртвите“, каде точно половина (50%) од испитаниците се согласуваат дека ако сте споделиле слика од себе, ваша вина е ако таа заврши во погрешни раце.

Како да се заштитите и да останете безбедни?

• Размислете пред да објавите каква било содржина. Внимавајте со кого и кога ги споделувате вашите податоци. Секогаш размислете како другите можат да ја толкуваат и користат содржината што ја споделувате на интернет.

• Истражувајте кои апликации за комуникација се безбедни и имаат шифрирање од крај до крај.

• Ако мислите дека сте жртва на IIA, зачувајте докази и пријавете ги во полиција и платформи каде што верувате дека вашите информации се достапни.

• Секогаш проверувајте ги безбедносните поставки во апликациите што ги користите за да ја минимизирате веројатноста вашите податоци да бидат споделени или складирани од трети страни – и пошироко – без ваше знаење.

• Користете сигурно безбедносно решение како што е “Kaspersky Password Manager” за да генерирате и обезбедите единствени лозинки за секоја сметка; одолејте на искушението повторно да ja употребите истата.

• Користете StopNCII.org, глобална онлајн алатка за заштита од споделување на интимни слики на некои од најшироко користените платформи ширум светот.