Кејт објави фотографија и проговори за болеста: Учам да…
За првпат по дијагнозата на рак, принцезата од Велс се огласи и проговори за нејзината здравствена состојба. Кејт исто така најави дека утре ќе присуствува на јавен настан.
Таа беше подложена на лекување, вклучително и на хемотерапија, откако претходно оваа година ѝ беше дијагностициран неодреден тип на болест. Во изјавата објавена денеска, таа вели дека „добро напредува“, но има „добри и лоши денови“. Изјавата е придружена со нова фотографија од Кејт.
„Во текот на лошите денови се чувствувате слабо, уморно и морате да го оставите вашето тело да се одмори. Но, во добрите денови кога се чувствувате посилно, сакате да го искористите максимумот од тоа што се чувствувате добро“, вели принцезата.
Кејт потврди дека утре со семејството во Лондон ќе присуствува на роденденската парада на кралот, позната и како „Trooping the Colour“.
Разбирливо е дека присуството на Кејт на настанот не треба да се сфати како нејзино враќање на целосните јавни должности.
„Се надевам дека ќе учествувам на неколку јавни настани во текот на летото, но исто така знам дека сè уште не сум ‘излезена од шумата’“, продолжила Кејт во својата изјава.
„Учам како да бидам трпелива, особено со неизвесноста. Го земам секој ден како што доаѓа, го слушам моето тело и си дозволувам себеси да го земам ова прекупотребно време за закрепнување“.
Ова ќе биде прв јавен ангажман на принцезата од декември 2023 година, кога таа му се придружи на остатокот од кралското семејство на годишната божиќна црковна служба во Сандрингeм. Таа беше примена во болница поради операција на стомакот на 16-ти јануари, а операцијата беше објавена следниот ден, кога Кенсингтонската палата соопшти дека Кејт закрепнува.
Палатата држеше во тајност детали за здравствената состојба на Кејт во следните месеци.
