(ВИДЕО) Отишла на најпопуларното место во Грција и доживеала вистински кошмар – најголемиот хорор се случил кога пристигнала
На социјалните мрежи, форуми и портали во текот на летото секогаш можеме да ги читаме искуствата на Србите во популарните летувалишта. На социјалните мрежи најмногу дознаваме за непријатни ситуации во кои тие се учесници.
Грција, веднаш после Црна Гора, е најчестата „сцена“ на одигрување претстави од страна на српските туристи. Но, и на странските – што ќе ви биде јасно откако ќе го прочитате овој текст.
Девојка по име Паула, на „ТикТок“ со своите следбеници го споделила, како што вели и самата – трауматичното искуство од Санторини.
Кога некој ќе го спомене Санторини, повеќето луѓе помислуваат на најубавата симбиоза на бела и светлосина боја и прекрасното море гледано „одозгора“. Се разбира – исто така познат, бидејќи, покрај Миконос, овој остров во Грција е една од омилените дестинации на припадниците на светскиот џет-сет.
За жал, извесна Паула ќе има најлошо можно сеќавање. И не, таа не била разочарана од убавината на природата или архитектурата, туку – транспортот.
Можеби звучи „банално“, но таа поминала низ толку ужаси пред нејзината нога да стапне на островот, што едно кратко возење со автобус ги засенило сите денови поминати на овој прекрасен остров.
Најлошото место кое го имам посетено
„Тоа е најлошото место на кое некогаш сум била. Со траектот стигнавме до пристаништето. После тоа сите се упативме да купиме карти за автобусот – и убедена сум дека тоа го води некој гангстер. Сè беше хаотично и неофицијално, непрофесионално. Картите обично чинат две евра – зошто тогаш нашите чинеа 50? Со намалување 35, бидејќи не сакавме да платиме 50. Но, повторно, 35 евра за јавен превоз нема смисла“, вели оваа девојка, со чешко-канадско потекло, која на патувањето била со уште еден сопатник.
Изненадена што билетот може да чини толку многу, таа влегла во автобусот и го прашала секој патник поединечно колку платил за својот – и сите почнале да кажуваат различни цени.
Плаќале различни цени на билетите
„Две евра, пет евра, педесет евра. Излегов од автобусот и побарав да и го вратат поголемиот дел од парите назад. Меѓутоа, ситуацијата станала непријатна и се плашев дека нашиот багаж нема да стигне до дестинацијата, бидејќи кога сте во автобус, не можете да ги видите своите куфери. Можат едноставно да ги извлечат од автобусот“, продолжува Паула со својата приказна за непризнатото искуство на Санторини.
Имала лошо претчувство, па почнала со телефон да ги „забележува“ случувањата „на теренот“, откако пристигнале на локацијата.
„Не видоа дека ги снимаме и ги изнесоа нашите торби од автобусот. Не разбирав што зборуваат, не го разбирам грчкиот јазик, но беше многу непријатно. Откако пристигнавме на тој „проколнат остров“ ги добивме парите назад. Пишавме на автобускиот превозник, нè спаси нивната „СОС поддршка“, но – го мразам Санторини“, истакнала Паула на крајот.
