Дали знаете што се „зомби автомобили“? Достапни се и оваа година
Многу одамна прекинати модели сè уште се појавуваат на списоците за продажба на нови автомобили.
Покрај сегашните, „живи“ модели, секоја година има и некои возила чие производство е прекинато на пазарот на нови автомобили.
И тоа не би било чудно, доколку се работи само за моделите кои беа прекинати минатата година или во 2022 година. Дилерите секогаш ги имаат на резерва.
Но, интересно е што во првата половина на 2024 година, многу одамна мртви модели најдоа нови сопственици, односно некои примероци сега се регистрирани за прв пат.
Таквите автомобили во жаргонот се нарекуваат „зомби“ меѓу возилата на четири тркала.
Automotive News Europe, цитирајќи ја аналитичката компанија Dataforce и нејзината табела за продажба на „нови“ возила регистрирани за прв пат помеѓу јануари и јули 2024 година, укажа на неколку такви случаи.
Еден од автомобилите што се појавија на мојот радар беше познатиот Fiat Multipla – модел кој според многу анкети се смета за едно од најгрдите возила некогаш направени.
Па, некој купиl „нов“ “Multipla” минатиот месец. Не е јасно дали станува збор за оригиналната верзија (прикажано на фотографијата погоре) или за рестилизиран модел (подолу).
Во секој случај, поминаа најмалку 14 години откако овој автомобил заврши со производство во 2010 година.
Но, Multipla е само еден од многуте автомобили кои одамна се пензионирани, но сè уште се на продажните листи.
Друго „зомби возило“, продадено како ново во 2024 година, е Nissan 350Z, кој беше „пензиониран“ во 2008 година.
Некој што сакал нешто попрактично го купил “Volvo V50”, чие производство беше прекинато во 2012 година.
На листата се и Mercedes CLK, Aston Martin DB7, Ford Ka, Alfa Romeo 159, Jaguar S-Type, па дури и Rolls-Royce Corniche, кој беше пензиониран пред речиси 30 години, што го прави најстариот што се појавил на листата.
А потоа, тука е XJS, автомобил што Јагуар престана да го прави во 1996 година.
Треба да се напомене дека Dataforce ги собра овие податоци од сите 27 земји на ЕУ, по што следат Обединетото Кралство како и земјите од ЕФТА (Исланд, Лихтенштајн, Норвешка и Швајцарија).
Документот во неговата оригинална верзија ја прикажува комплетната листа, со многу повеќе „автомобили-зомби“ од наведените.
Автомобилскиот аналитичар Бенџамин Кибиес потврди за Motor1 дека овие автомобили никогаш претходно не биле регистрирани и дури сега се со нивните први сопственици.
„Извештајот ги прикажува само првите регистрации на автомобили. Се согласувам дека е збунувачки да се видат такви стари автомобили на списокот.
Кога би имале шанса, кој од одамна прекинатите модели би сакале да го купите како нов автомобил денес?
