Се сруши античка пирамида во Мексико: „Ова е лош знак“ (ФОТО)
Екстремните временски услови и зголеменото ниво на морето го загрозуваат историското наследство ширум светот.
Така, камената пирамида, квадратен споменик висок 15 метри во мексиканската држава Мичоакан, ненадејно се урна ноќта на 29 јули поради непрестаен дожд. Јужниот ѕид на пирамидата се претвори во урнатини.
Пирамидата некогаш била еден од најдобро зачуваните споменици на цивилизацијата на Кралството Мичоака. Се наоѓа во “Ihuací”, исклучително добро сочуван археолошки локалитет во кој се сместени уште една пирамида, кула и неколку гробници, пишува Science Alert.
Прво голема суша, а потоа силен дожд
Во областа пред 1.100 години живееле домородни групи кои зборувале нахуатл. Подоцна станало седиште на народот П’урхепечас, единствената империја што Ацтеките не можеле да ја освојат. Народот П’урхепечас постои и денес.
Мексиканскиот национален институт за антропологија и историја (INAH) смета дека екстремните временски настани се виновни за неодамнешното уривање на ѕидот на пирамидата.
Имено, во јули поголемиот дел од Мексико го зафатија обилни дождови и грмотевици. Пред тоа, областа беше погодена од најтешката суша во земјата во последните 30 години.
„Високите температури и сушата предизвикаа пукнатини низ кои подоцна водата навлезе во внатрешноста на предхиспанското зграда“, се вели во соопштението на INAH.
Екстремните временски услови и зголемувањето на нивото на водата стануваат се поголема закана за важните историски градби. Неодамна, археолозите открија дека древните пештерски слики во Океанија се влошуваат поради забрзаните климатски промени.
„Моите предци би рекле дека тоа е лош знак“
Тариаквири Алварез од племето П’урхепеча вели дека неговите предци би го протолкувале рушењето на пирамидата како „лош знак“.
Во објава на Фејсбук напиша дека нешто слично се случило и пред доаѓањето на странските освојувачи, бидејќи боговите биле незадоволни.
Само неколку дена пред да се урне пирамидата во Мексико, се урна и познатиот Двоен лак во Јута, веројатно поради промена на нивото на водата и ерозија.
