Доживотен затвор за Даниел„ На синот на познатиот актер му се преиначи одлуката за смртна казна: готвачот од Јутјуб уби пластичен хирург во Тајланд

Даниел Санчо Бронхал, член на познатото шпанско актерско семејство и готвач на Јутјуб, денеска беше прогласен за виновен за убиство со умисла во Тајланд и е осуден на доживотен затвор.

Санчо беше осуден од тајландскиот суд за убиство на Едвин Ариета Артеага, 44-годишен пластичен хирург од Колумбија, кога и двајцата беа на одмор на тајландскиот остров Кох Фанган во август 2023 година, пренесува Ројтерс.

Судот првично го осудил на смрт, но казната ја намалил на доживотен затвор поради сведочењето што го дал за настаните на сослушувањето, пренесува Ројтерс.

Нему му беше наложено да плати 130.230 долари како реституција на семејството на жртвата.

Тој е прогласен за виновен за убиство со умисла, прикривање и отстранување на делови од телото за прикривање на убиството и причината за смртта на жртвата.

Санчо се изјасни за виновен за криење на телото на жртвата, но негираше убиство со умисла, соопшти судот.

Во текот на судењето, Санчо тврдеше дека убиството на Артеага било чин на самоодбрана, според извештаите на тајландските медиуми.

Случајот предизвика огромен интерес во Шпанија бидејќи неговите родители Родолфо Санчо Агире и Силвија Брончало се познати актери.