Вака Новак Ѓоковиќ се ослободува од стресот – Неговиот метод нема да ве чини ни денар
Новак и Јелена Ѓоковиќ го откриваат својот начин на борба против стресот. Познат тенисер и неговата сопруга често се под лупата на јавноста, што може да биде исклучително стресно. Сепак, парот пронашол уникатен начин да се опушти и да ја ослободи негативната енергија.
Да се живее под будното око на јавноста може да биде предизвик, а клучот е да се најдат начини да се остане ментално здрав. Новак и Јелена Ѓоковиќ избраа силвотерапија, односно шумска терапија, која им помага да се справат со стресот и анксиозноста.
Силвотерапијата или шумската терапија се заснова на верувањето дека контактот со природата може да ја подобри физичката, менталната и емоционалната благосостојба. Семејството Ѓоковиќ на Инстаграм покажа како го практикуваат овој метод со гушкање дрвја, што им помага да се наполнат со позитивна енергија.
Да се биде во контакт со природата не е само пријатен, туку и терапевтски момент. „Wise society” пишува дека силвотерапијата, која доаѓа од латинскиот збор „silva“ што значи „шума“, препорачува интеракција со природата како лек за душата и телото.
„Јелена прави одредени работи на свој начин“
Сопругата на најдобриот светски тенисер Новак Ѓоковиќ, Јелена Ѓоковиќ во неколку наврати покажа колку ја почитува својата свекрва Дијана Ѓоковиќ. Имено, Јелена своевремено по големата победа на Ноле на „Австралија опен“ ја сподели фотографијата на Дијана и накратко напиша „Мајка“. Од друга страна, Дијана еднаш призна дека не се согласува целосно со начинот на кој Новак и Јелена ги воспитуваат своите деца, но не се меша во тоа.
“За жал, ретко доаѓаат, создадоа свое семејство и оаза. Јелена прави одредени работи на свој начин. Тоа се случува, особено кога е во прашање исхраната, која јас не ја поддржувам„ изјавила Дијана во една прилика.
– Секогаш кога има време се трудиме да се видиме, да одиме на езеро, да шетаме … Доаѓаат кај нас, за внуците да ја почувствуваат топлината на домот на нивните баби и дедовци. Тие ги сакаат моите познати палачинки. Секогаш слушаш: „Бабо, спреми ни палачинки!“, а потоа се натпреваруваме: „Која ќе ја сакаш, безглутенската или нормалната?“, а Стефан вели: „Бабо нормални, остај ги безглутенските“ – откри еднаш со насмевка Дијана Ѓоковиќ во емисијата „Додека ангелите спијат“.
