Трагичен крај на потрагата по малата Нарин (8): Телото на девојчето го ставиле во вреќа и го фрлиле во потокот, постои сомневање дека е убиена
Засега не се знае дали има осомничени во овој случај.
Од Турција денеска дојде најлошата вест – девојчето Нарин Гуран (8) по кое трагаше цела земја, пронајдено мртво во поток, а постои сомневање дека е убиена.
Гувернерот на Дијарбакир, каде што девојчето исчезна на 21 август, објави дека телото на девојчето било ставено во вреќа, скриено со гранки и камења и оставено на брегот на потокот.
„Во неделата, за време на потрагата, исчезнатото девојче Нарин Гуран за жал беше пронајдено мртво околу 8:45 часот наутро во вреќа на брегот на потокот, облечено во облеката во која последен пат беше видена“, изјави гувернерот Мурат Зорлуоглу.
Според првичните информации, постои сомневање дека девојчето е убиено, јавија турските медиуми.
Се додава дека била ставена во вреќа и оставена во водата на работ на потокот, покриена со гранки од дрвја и камења на начин што нема да предизвика сомнеж и да даде природен изглед.
„Како дел од нашата работа за повторно пребарување на сите претходно претресени области, оваа област на потокот Егертутмаз беше повторно претресена и телото на исчезнатото девојче беше пронајдено од нашите жандармериски специјалисти ЈАК и ЈОХ тимови“, додаде гувернерот и изрази сочувство до семејството.
Истрагата е во тек, а јавноста ќе биде информирана за развојот на настаните по потреба.
Засега не се знае дали има осомничени во овој случај.
Да потсетиме, Нарин исчезна на 21 август оваа година во областа Баглар во Дијарбакир, кога беше започната голема потрага.
Во рамките на истрагата, чичкото на Нарин беше претходно уапсен и осомничен за убиство со умисла, но семејството не верува дека нивниот роднина е виновен.
Откако Нарин Гуран беше пријавена за исчезната, започна копнена и воздушна потрага во регионот. Како дел од истрагата, површина од 11.000 квадратни метри беше скенирана од 2.000 луѓе од земја и два хеликоптери и 48 дронови од воздух.
Исто така, 24 нуркачи пребарале пет потоци, три езерца, 18 бунари и 24 километри водени канали. Во рамките на претресот користени се и подземни уреди за снимање.
