(ВИДЕО) Дошол од Турција, добил брдо пари и упатства за масакрот! Терористот од Москва на испрашување признал се!

Руските медиуми ја објавија првата снимка на која се гледа уапсениот терорист кој синоќа учествувал во масовниот масакр.

Главниот уредник на „RT“, Маргарита Симонјан, на Телеграм објави видео од сослушувањето на еден од терористите, кои вчера отворија оган врз невини цивили во трговскиот центар „Крокус Сити“ во Москва.

Терористот фатен на видеото открива дека е роден на 17 септември 1998 година, дека во Русија пристигнал на 4 март од Турција, а понудата да изврши терористички напад ја добил преку Телеграм.

Според него, тој не знае кои биле луѓето кои го нарачале нападот, но за тоа требало да добие околу половина милион рубљи. Досега, како што рече, има добиено половина од таа сума и тоа преку картичката. Сепак, тој подоцна рече дека му ветиле милион рубли.

Како што кажува, оружјето за нападот го добил директно од нарачателот на убиството, кој му го доставил.

За време на сослушувањето, терористот рекол дека се решил на ваков чекор откако разговарал со помошникот на проповедник, кого го слушал, а понудата за нападот ја добил пред околу еден месец.