Студија во Јапонија сугерира дека сите Јапонци ќе имаат исто презиме до 2531 година

Студијата предвидува дека до 2531 година, ако законите кои бараат брачните двојки во Јапонија да го имаат истото презиме останат непроменети, сите во земјата на крајот ќе имаат исто презиме. Во моментов, „Сато“ е најчестото презиме, кое припаѓа на 1,5% од населението.

Хироши Јошида од Универзитетот Тохоку го предводеше истражувањето, кое предвидува дека „Сато“ би можело да стане универзално презиме во Јапонија за повеќе од 500 години, под претпоставка дека нема законски прилагодувања.

Јошида појасни дека оваа проекција е теоретска пресметка, како што објави весникот “The Mainichi”.

„Ако сите станат Сато, можеби ќе треба да ни се обраќаат со нашите имиња или со бројки“, изјави Јошида.

„Не мислам дека тоа би било добар свет за живеење“.

Јошида пресметал дека процентот на Јапонци по име Сато се зголемил за 1.0083 пати од 2022 до 2023 година.

Јапонија е единствената земја во светот што ги принудува паровите да усвојат едно презиме по бракот, со исклучок за оние кои се венчаат со странски државјани