Едно мало слонче се одвоило од мајка си во парк во Тамил Наду, Индија, а стадото слонови продолжило без него, пишува „The Guardian“. Изгубеното слонче талкало низ подрачјето барајќи ја својата мајка, но за среќа луѓето го забележале.

Тие процениле дека слончето е старо меѓу 4 и 5 месеци, а бидејќи мора да е сè уште со мајката, со помош на дронови започнале со потрага по стадото кое веќе поминало 4 километри. Пред да го вратат слончето во стадото, го искапеле и го намачкале со кал, за неговата мајка да не почувствува човечки мириси на него и да го отфрли.

Неколку дена подоцна, дрон снимил сцена која ги топи срцата. Слончето и неговата мајка мирно спиеле еден до друг, токму како што треба.

Here is the footage of the mother elephant and the calf which was recently reunited by the efforts of the Anamalai Tiger Reserve Team led by Range officer Manikandan & his team under the guidance of Field Director Ramasubramaniam IFS & DD Bhargav Teja IFS pic.twitter.com/ljgaDdo7pr

— Tamil Nadu Forest Department (@tnforestdept) January 4, 2024

Необичен потег на стадото

Инаку, во случај на исчезнување на младенче, слоновите продолжуваат понатаму, но оставаат помали групи кои го бараат, но во овој случај направиле необичен потег и сите продолжиле понатаму.

„Понекогаш се случуваат и такви ситуации, најмногу во подрачјата каде што има конфликт меѓу луѓето и животните. Тогаш тие заминуваат поради сопствената безбедност. Главната женка треба да избере помеѓу благосостојбата на стадото и еден слон, па затоа донесува тешка одлука“, објаснува Картик Сатјанарајан, раководител на организацијата „Wildlife SOS“.