Хроничен замор, сува кашлица, анксиозност: Ова се невообичаени симптоми кои може да значат дека имате нетолеранција на храна
Понекогаш храната, од нашиот најдобар пријател, може да се претвори во наш непријател, а сето тоа се должи на генетската предиспозиција. Еве како да откриете дали вашите симптоми, дури и оние кои тешко се поврзуваат со храна, како болки во зглобовите или анксиозност, се поврзани со храната.
За разлика од алергиите на храна, нетолеранцијата на некои намирници не го загрозува животот, но на квалитетот на животот секако не му влијае добро.
Се проценува дека околу 20 проценти од светската популација се бори со овој проблем, а тој процент се уште се зголемува.
Она што дополнително го комплицира овој проблем е тоа што нетолеранцијата на храна е тешко да се дијагностицира, а луѓето исто така генерално не ги поврзуваат симптомите исклучиво со нивната исхрана бидејќи тешкотиите што ги чувствуваат на прв поглед не се поврзани со варењето.
И додека дијареата, надуеноста, стомачната болка или рефлуксот укажуваат на проблеми кои можат да бидат предизвикани од храната, многу симптоми тешко се поврзуваат со храната. Имено, нетолеранцијата кон одредена храна, односно состојките на таа храна, може да предизвика цела низа „неочекувани“ симптоми.
Често се манифестираат на кожата како осип, чешање, дерматитис, но влијаат и на респираторниот систем. Оток на носната слузница, синузитис или сува кашлица, меѓу другото, може да бидат симптоми на нетолеранција на една или повеќе намирници. Но, она што особено знае да ги измачува луѓето и кое ретко кој може да го поврзе со храна се невролошки симптоми како главоболки, вртоглавица до психолошки како губење на мотивација, анксиозност, замор или дури и хиперактивност кај децата.
Понатамошно комплицирање на работите е тоа што можеме да бидеме нетолерантни на различни видови храна, а поголемиот дел од луѓето се нетолерантни на лактоза и глутен. Многу храна, или состојки во нив, може да предизвикаат симптоми на нетолеранција, на пример, многу луѓе се нетолерантни на кофеин, храна и пијалоци кои содржат сулфати кои природно се наоѓаат во грозјето, виното и зрелото сирење и се додаваат во храната како конзерванс.
Но, најчесто тие се глутен и лактоза. Лактозата е шеќер во млекото и млечните производи, а нетолеранцијата се манифестира како болки во стомакот, надуеност, дијареа, гасови и гадење.
Глутенот е протеин во некои житарки како пченицата, јачменот и ‘ржта, а симптомите на нетолеранција се многубројни – од надуеност, дијареа или запек, болки во стомакот до главоболки, замор, болки во зглобовите, осип на кожата, анемија и, замислете, депресија или анксиозност .
Затоа, храната е наш пријател, но понекогаш, поради нашите гени, некои нејзини делови можат да се претворат во непријател и да ни го уништат квалитетот на живот.
